Gienus Woldring: “Ik heb de week van mien leven had”

Toen Gienus Woldring maandagmörgen 9 september op zien wark kwam en collega’s vrugen hoe of het west was bij de Toorn van Thunaer, wus Gienus niet zo goed wat hij mus antwoorden.

60-jarige inwoner Noord-Sleen was ‘bliede’ met rol van Harmannus

“Het was jao zo overweldigend, zoveul en zo biezunder de hiele week. Teveul om in woorden te vatten. En ik heb zo geneuten. Iedereen hef neem ik an wal hoogtepunten in zien leven die veur hum of heur belangriek bint”, zo Voor Gienus was De Toorn van Thunaer een unieke theaterervaring. “Ja, veur mij is er met stip wat an toevoegt. Ik heb zegt tegen collega’s en aanderen. “Ik heb de week van mien leven had””. En dat mien ik oprecht. Het was zun intensieve en intense tied. Maor ik har het veur gien gold willen missen’, zo blikt Gienus terug op het indrukwekkende Drentstalig muziektheater op landgoed De Klencke.

In het dagelieks leven speult Gienus zien rol as adviseur bij de Rabobank. Hij is 60 jaor en woont met zien vrouw Henny in Noord-Slien. Als we Gienus thuis ontmoeten is hij nog steeds opgetogen en zit zich van alles te herinneren. Hij is in zijn nopjes met de lovende kritieken voor De Toorn van Thunaer.  Met Gienus blikken we terug op een unieke levenservaring:

“Toen ik heurde van de Toorn van Thunaer en de eerste bijienkomst hollen wuur in de Hesselerhof, heb ik mij metien anmeld. Dat leek mij wal wat. Speulen in de openlucht met zoveul speulers en dan een hiele week! En spannend, want je weet natuurlijk niet oj met möcht doen. Eerst auditie doen in Slien bij Harm en bij Jan. Ja, je moet ok nog zingen as ‘t kan. Nou ja, dat moew nog mar es zien. Misschien huuf ik allien mar speulen. Dat zul al mooi wezen.”

“En ja, oh mooi. Dan kuj met doen! En wat veur rol kriej dan? Ik kreeg de rol van Harmannus, de heer van de burcht. In het begun dacht ik, zun heer, een beetie rustig en ik huuf niet veul zeggen: daor zit niet veul bij. Maor achterof, ben ik er bliede met en heb ik de rol van mien leven had!”

“Dankzij bijveurbield de mooie kleding maakt deur de snieders, de relaxte en inspirerende regie van Harm, de aanwiezings bij het zingen deur Jan. En dan nog de tips van Hanneke Braam bij ’t toneel en de tips van Janet Emmelkamp bij ’t zingen. Het was bij mekaar een feest. Echt waor, ik heb geneuten!”

“En wat ik hielemaol geweldig vun, is daw allemaol zo goed met mekaar kunnen opschieten. Wij hebt mekaar leren kennen op een vrolijke en inspirerende  manier. Wij hebt mekaar ansteuken. Het gaf ongeleufelijk veul energie. Iedereen die hier an metwarkt hef, daor heb ik diepe bewondering veur. Het was een mooie dreum, en wij bint  weer terug in 2019….”.

“Het hef oes vleugels geven en zo as ik aan het slot al zee: DIT SMAAKT NAOR MEER.”

Bij de foto: Gienus Woldring (60) vertolkte met veel verve de rol van Harmannus, de heer van de burcht.

Tekst: Jan Hooge. Foto’s Ton Haan en Rob Faas

Categorieën Nieuws