De rolverdieling veur De Toorn van Thunaer is grotendiels klaor. Alle mensen die een rol hebt en ok spreken moet, bint invuld. Dat bint er een kleine veertig.
Puzzel
Het was een enorme puzzel om alle rollen in te vullen. Daorbij was niet alleen de acteerkwaliteit, maar ok de stemsoort en de zangvaardigheid van belang. Bovendien mussen wij rekening holden met de technische meugelijkheden, in de zin van het maximum aantal headsetties dat inzet kan worden. Iederien die auditie hef daon, kan ok metdoen. De mieste mensen echter speult een figurerende rol als dörpsbewoner van de 15e eeuwse boerennederzetting De Klencke, of als lid van de Thunaeribende van heufdman Hazarman de Hellige, dan wal als lid van de opstandige Slieners, of de bezörgde Zweeler, of de rouwende Hesseler, of in een dubbelrol in meerdere groepen De rol van kinder en tieners möt nog verder oetwarkt worden. Oeteindelijk zörgt al die groepen samen veur een zeer indrukwekkend slot. Iederien die auditie daon hef, kan ok metdoen. Wij bint er hiel gelukkig met dat wij kunt beschikken over meer dan honderdtwintig mannen en vrouwen en kinder. As die as ien groot koor gaot zingen dan möt dat wal fantastisch klinken!
Rippetities
Jullie kunt zien dat er, tot an de zommervakaansie van 2019, ien keer per maond koorrippetitie is. Dat liekt weinig, maar er wordt van iederien verwacht dat hij of zij ok thoes giet repeteren. Alle bladmuziek en alle ingezungen partijen komt op de website te staon, zodaj ze net zo vaak oefenen kunt aj maar wilt. En dat zal ok moeten, want iedereen möt oeteindelijk alles oet het heufd kunnen zingen en spreken. En hoe eerder men dat kan, hoe beter het is.
Bijienkomst op locatie
Op zundag 18 november organiseer wij een bijienkomst op locatie op landgoed De Klencke:
- Veur de dielnimmers met een spreekrol um 13.30 uur
- Veur de figuranten en zangers, waor ok de schaopherders, de amazones en ruiters enoverige diereigenaren welkom bint um 15.30 uur.
Wij verzamelt an de Oude Tolhuisweg in Oosterhesselen.
Daota
De daota bint vastlegd. Iedere speuler hef er mail over had. Kiek veur de daota bij bijienkomsten en rippetities.