In een reeks van veurstellings staot de speulers en de muzikanten zes dagen volop in de spotlights. Vandaag twie groepen die op de achtergrond een onmisbare rol speult in de organisatie van de Toorn van Thunaer.
Verkeersregelaars en parkeerwachten
Gedurende het evenement bint der wegafslutings en möt de aanvoer van auto’s en fietsen naor en van de parkeergelegenheden in goeie banen leid worden. Alle aovonds staot der 10 menschen van de groep Verkeerregelaars Gees, ondersteund deur de groep van Slien, die daor veur zörgt. Al in een vrog stadium van de organisatie is der goed overleg west met heur veurman Freddy Jansen en later ok met Marien Renting. Dat dit leidt tot een vlekkeloze ofhandeling van alle verkeersbewegingen rond het evenement wordt as een vanzölfsprekendheid ervaren en is meugelijk deur de inzet van een gemotiveerde groep menschen!
Grimeurs
Andere belangrieke menschen op de achtergrond bint de grimeurs. Zie zörgt veur de sprekende koppen van alle speulers, groot en kleim, aold en jong. Elke dag nimt zie meer as 120 menschen underhanden, waormet zie 2,5 uur gangs bint. Petje af!
Zie komt oet het hiele gebied van Hesseln, Slien en Zweel en bint actief bij de tenielclubs in de regio. Oeze ervaren grimeur Anna Renting stuurt ze an.
Wij vermeldt met plezier heur namen.
Mia Dijkstra
Janny Jansen-Bosgraaf
Diddy ter Heide
Hanneke Rottink-Kuipers
Henny Lubbers Elting
Jolanda Meijering
Anna Renting
Ria Siepel
Jolanda de Vries
Karla Westerman
